Rorate Caeli

Muito lindo!

Roráte caeli désuper, et nubes pluant iustum.

Ne irascáris, Dómine, / ne ultra memíneris iniquitátis:

ecce cívitas Sancti / facta est desérta:

Sion desérta facta est: / Ierúsalem desoláta est:

domus sanctificatiónis tuae et glóriae tuae, / ubi laudáverunt te patres nostri

Roráte caeli désuper, et nubes pluant iustum.

Peccávimus, et facti sumus tamquam immúndus omnes nos,

et cecídimus quasi fólium univérsi

et iniquitátes nostrae quasi ventus abstúlerunt nos:

abscondísti fáciem tuam a nobis, et allilísti nos in manu iniquitátis nostrae.

Roráte caeli désuper, et nubes pluant iustum.

Vide Dómine, afflictiónem pópuli tui

et mitte quem missúrus es:

emítte agnum dominatórem terrae, de petra desérti, ad montem fíliae Sion:

ut áuferat ipse jugum captivitátis nostrae

Roráte caeli désuper, et nubes pluant iustum.

Consolámini, consolámini, pópule meus, cito véniet salus tua.

Quare mærore consúmeris, quia innovávit te dolor?

Salvábo te, noli timore;

Ego enim sum Dóminus Deus tuus,

Sanctus Israël Redémptor tuus.

Roráte caeli désuper, et nubes pluant iustum

(Rorate Caeli)